نقاش رفقاسيله ايكى سنه اون آى بش كون تمامنده دار السلطنة هراته و اصل اولوب پادشاه ختايك‌نامه و هدا - ياسنى تسليم ايلديلر . مزبور خواجه غياث الدين هراتدن حركت ايتديكى كوندن عودت و وصولنه دكين معاينه و مشاهده ايلديكى احوالى روز بروز تحرير ايدوب مرقوم معتمد عليه و تحرير ايلديكى شيلر غرض و تعصبدن عارى اولمغله مضمون و محصلى نقل اولندى . سكزيوز يكرمى ايكى سنه سى ذى القعده سنك آلتنجى كونى دار السلطنة هراتدن چيقلوب ذى الحجه نك طقوزنجى كونى بلخه وارلدى . و شدت سرما و كثرت باراندن ناشى سكزيوز يكرمى اوچ محرمنك غره سنه دكين بلخده اقامت بعده سمرقنده حركت اولنوب شهر مرقومك يكرمى ايكنجى كونى بلدهء مزبوره‌يه وارلدى . ايلچيلرك سمرقنده دخوللرندن ايكى آى مقدم ميرزا الغ بك « 1 » ، نديدم آن در رخ اكنون دو ماهست * ولى مهرش بسى در جان ما هست غلام روى او شد بايسنقر * غلام خوبرويان پادشاهست

--> ( 1 ) ميرزا الغ بك - شاهرخ سلطانك مخاديمندندر ، 795 سنه سنده دنيايه كلمشدر . پدرى فرمانيله سمرقند و ماوراء النهر واليسى اولمشدى . پدرندن اول و صكره قرق برييل امارت و حكومت ايتدى . 853 سنه سنده اللى سكز ياشنده ايكن اوغلى عبد اللطيف